Search
Close this search box.

هو المفروض أأكل البيبي بتاعي امتى

هو المفروض أأكل البيبي بتاعي امتى

هو المفروض أأكل البيبي بتاعي امتى !🤔
الطفل يبدأ ياكل من ٤ إلى ٦ شهور ومش قبل كده بأي حال من الأحوال ولا حتي تشربيه مياه غير بـ أمر طبيب الأطفال الخاص بيه.👌🏼

طيب امتى أعرف ان البيبي بتاعي ممكن ياكل ؟
وياكل ايه ؟؟
ركزوا كده معايا فى كل مرحله هقولك بيعمل ايه وياكل فيها ايه☺️
من ٤ إلى ٦ شهور
👈تبتدى حركات المضغ تظهر ويعرف يجيب أيده لبقه ويمسك بكف أيده والطفل بيبدأ يبلع بمقدمة لسانه علشان كده حاولى تأكليه فى المرحله دى بالمعلقه علشان
تحسنى عمليه البلع

👈الأكل: نقدمله حبوب غنيه بالحديد زى الأرز البنى اول حاجه لانه قليل التحسس ثم الشوفان والبرغل والقمح ده آخر حاجه تقدميها زى سيريلاك بقى وخلافه ولأن الحديد مهم وبيحب فيتامين C علشان يمتص كويس اديله عصير جوافه ، برتقال طبيعى من غير سكر
ممكن تديله برضوا لحوم وخضروات وفواكه مهروسه كويس بدون توابل او ملح او سكر
طيب ادخله كل الأنواع مره واحده ؟؟🤔
👈لا طبعا ندخل نوع نوع وبكميه صغيره ونستنى ٣ إلى ٥ ايام ونشوف رد فعل الطفل لاحظى اى حساسيه بالجلد او ترجيع او صعوبه فى النفس ساعتها لازم توقف النوع ده
طيب فى اكلات ممنوعه للطفل فى السن ده ؟🤔
– الحلويات من أى نوع ❌
– الخضروات المعلبه فيها صوديوم عالى ❌
– العسل مش قبل سنه ممكن يعمل لطفلك تسمم البوتيوليزم
– اللبن مش قبل سنه اديه لبن خالى الدسم من كوبايتين ل٣ كوبايات صغيرين مش اكتر علشان نحافظ على الحديد ومانخلهوش يدخل فى انيميا الحليب ❌
وانتي ببتدى اكل للبيبي ؟؟
👈 خدى بالك من البيبي بتاعك وهو بياكل من أنه يشرق متديهوش
قطع تفاح او جزر خام، مكسرات عنب، مقرمشات، ابعدى عنها
👈ناخد بالنا بقى فى المرحله دى من تلوث الاكل وتسمم الطعام.👌🏼
👈 نظافه الاوانى
👈تعقيم كل مايخصه لسلامته