Search
Close this search box.

الصفراء عند حديثي الولادة

الصفراء عند حديثي الولادة

الصفراء عند حديثي الولادة 🤱
كتير من الأطفال بعد الولادة بنلاحظ عليهم اصفرار بالجلد
طب إزاي نتصرف ونعمل إيه وطريق علاجها إزاي وننتبه لعلامات الخطورة 🤔
✍️ اولا الصفرا نوعان صفراء فسيولوجية وصفراء مرضية

✍️الصفراء الفيسيولوجية ودي بتظهر غالبا علي اليوم التاني أو التالت بتلاقي عين الطفل بدات تصفر بعدين ممكن تزيد حتي جلد الصدر البطن و الأطراف
طب نعمل إيه 🤔
✍️أول حاجه لأزم نطمن عن طريق قياس نسبة الصفراء ودي مبدئيا بنقيسها عن طريق الجلد ولو عاليه ممكن وقتها نطلب تحليل بالدم للتاكيد حسب كل حالة 👌👌
أهم وأحسن طريقة عشان نسبة الصفرا متزدش هي الرضاعة الطبيعية.
الرضاعة من أول ساعة في ولادة الطفل مهمة جدا وبتساعد ان الجسم ينزل الصفراء 🙏🙏
قلة الرضاعة بتكون في اوقات كتير سبب من اسباب ارتفاع الصفراء😞
طيب كتير من الأمهات لما بتيجي تسأل علي نسبة الصفراء دي كدا عالية ولا كويسة وهيحتاج حجز بالحضانة ولا لا؟

وعشان نبسط الموضوع

دا بيعتمد علي عوامل كتير اولهم
اولا وزن الطفل عامل مهم هل 2.5 كجم ولا اقل؟ .
. طفل مبتسر ولا كامل النمو؟ .
. فيه أي أعراض تانية مقلقة عند الطفل .
الصفرا كرقم في حد ذاته لأزم بنحطها علي منحني خاص وكل حالة مختلفة حسب العمر وهل النسبة دي في أول يوم ولا بعد كدا. كل دي عوامل بتفرق في علاج الصفراء
عند وصولها لحد معين ممكن الصفرا تحتاج علاج ضوئي ودا يستدعي دخول الطفل للحضانة مع استمرار طبعا الرضاعة لانها بتساعد ف نزولها زي مااتفقنا🙏
طب إيه هي الصفرا المرضية أو الصفراء التكسيرية🤔

👈 دي إللي بنلاقي فيها ان الصفراء بتكون مرتفعة أو بتزيد بمعدل سريع في أول أيام من عمر الطفل و من أهم أسبابها اللي بنشوفها في الحالات اللي بتكون فيها الام فصيلتها O والطفل A او B او ABمثلا
أو تكون معامل الريسيس بتاعها (RH) سالب والطفل موجب فبيحصل تكسير زائد لكرات الدم الحمراء وبالتالي ترتفع نسبة الصفراء بالدم.

👈 في الحالة دي لأزم ناخد بالنا ونتابع النسبة كويس ونلاحظ لو الطفل بقي فيه خمول زائد او مش بيرضع كويس ونسبة الصفراء بتزيد فلازم يفحص جيدا لان كتير من الأوقات ممكن يحتاج الطفل للحجز بالحضانة وعلاج ضوئي مكثف من البداية لتلافي حدوث اي مشاكل .
الأطفال اللي مهم جدا ناخد بالنا من إرتفاع الصفراء عندهم👇
👈 الطفل عند ارتفاع الصفراء في اول 24 ساعة من الولادة
لكن لما بتقل الصفراء بتختفي من أسفل لأعلى بمعني أن ممكن اصفرار العين يطول شوية لأنه اخر حاجة بتروح منها الصفراء بعد نزول نسبتها بالدم. فمنقلقش لأن دا طبيعي طول ماالتحليل كويس واصفرار العين هيروح بالتدريج 👌
يمكن متابعة نسبة الصفراء عن طريق الجلد